«Nyukasl Yunayted» «Lill» hujumchisi Matias Fernandes-Pardoni o‘z safiga qo‘shib olish bo‘yicha kelishuvga erishdi. Bu haqda insayder Fabrisio Romano xabar berib, transferni o‘zining an’anaviy «Here we go» iborasi bilan tasdiqladi.

Manba ma’lumotiga ko‘ra, «Nyukasl» 21 yoshli futbolchi uchun 60 million yevro va qo‘shimcha bonuslar to‘laydi. Fernandes-Pardo Angliya klubi taklif qilgan loyihani qabul qilgan.

Kutilishicha, futbolchi bugun Angliyaga yo‘l oladi va transferni yakunlash uchun zarur jarayonlardan o‘tadi.

Fernandes-Pardo so‘nggi vaqtlarda «Lill»ning hujum chizig‘idagi muhim futbolchilaridan biriga aylangan edi. Endi u faoliyatini Angliya Premyer-ligasida davom ettiradi.

«Nyukasl» uchun mazkur transfer yosh hujumchiga qilingan yirik sarmoya bo‘lib, klub shu orqali hujumdagi imkoniyatlarini yanada kengaytirishni maqsad qilgan.