«Ньюкасл Юнайтед» «Лилль» ҳужумчиси Матиас Фернандес-Пардони ўз сафига қўшиб олиш бўйича келишувга эришди. Бу ҳақда инсайдер Фабрицио Романо хабар бериб, трансферни ўзининг анъанавий «Here we go» ибораси билан тасдиқлади.

Манба маълумотига кўра, «Ньюкасл» 21 ёшли футболчи учун 60 миллион евро ва қўшимча бонуслар тўлайди. Фернандес-Пардо Англия клуби таклиф қилган лойиҳани қабул қилган.

Кутилишича, футболчи бугун Англияга йўл олади ва трансферни якунлаш учун зарур жараёнлардан ўтади.

Фернандес-Пардо сўнгги вақтларда «Лилль»нинг ҳужум чизиғидаги муҳим футболчиларидан бирига айланган эди. Энди у фаолиятини Англия Премьер-лигасида давом эттиради.

«Ньюкасл» учун мазкур трансфер ёш ҳужумчига қилинган йирик сармоя бўлиб, клуб шу орқали ҳужумдаги имкониятларини янада кенгайтиришни мақсад қилган.