Londonning «Arsenal» klubi hujumchisi Gabriel Jezus «Barselona»ga o‘tishga tayyorgarlik ko‘rmoqda.

29 yoshli braziliyalik futbolchi La Liganing «Barselona» va «Rayo Valyekano» o‘rtasidagi uchrashuvi vaqtida «Kamp Nou» tribunasida ko‘rindi.

Kutilmoqdaki, kataloniyaliklar yaqin vaqt ichida hujumchi transferini rasman e’lon qiladi.

Ma’lumotlarga ko‘ra, Gabriel Jezusning transfer qiymati 10 million yevroni tashkil etadi. Bundan tashqari, «Arsenal» turli bonuslar ko‘rinishida yana 4 million yevrogacha mablag‘ olishi mumkin.

Shuningdek, kelishuvga braziliyalik futbolchining kelajakdagi transferidan «Arsenal»ga 20 foiz ulush to‘lanishi haqidagi band ham kiritilgan.

Shu tariqa, Jezus yaqin vaqt ichida «Arsenal»ni tark etib, faoliyatini Ispaniya chempionatida davom ettirishi kutilmoqda.