Лондоннинг «Арсенал» клуби ҳужумчиси Габриэл Жезус «Барселона»га ўтишга тайёргарлик кўрмоқда.

29 ёшли бразилиялик футболчи Ла Лиганинг «Барселона» ва «Райо Вальекано» ўртасидаги учрашуви вақтида «Камп Ноу» трибунасида кўринди.

Кутилмоқдаки, каталонияликлар яқин вақт ичида ҳужумчи трансферини расман эълон қилади.

Маълумотларга кўра, Габриэл Жезуснинг трансфер қиймати 10 миллион еврони ташкил этади. Бундан ташқари, «Арсенал» турли бонуслар кўринишида яна 4 миллион еврогача маблағ олиши мумкин.

Шунингдек, келишувга бразилиялик футболчининг келажакдаги трансферидан «Арсенал»га 20 фоиз улуш тўланиши ҳақидаги банд ҳам киритилган.

Шу тариқа, Жезус яқин вақт ичида «Арсенал»ни тарк этиб, фаолиятини Испания чемпионатида давом эттириши кутилмоқда.