«Tottenxem» «Chelsi» vingeri Mixail Mudrikni ijaraga olish bo‘yicha prinsipial kelishuvga erishdi.

Taniqli insayder Fabrisio Romano ma’lumotiga ko‘ra, London klublari kelishuvning asosiy shartlarini o‘zaro ma’qullagan. Rejaga ko‘ra, ukrainalik futbolchi joriy mavsumni «shporlar» safida ijara asosida o‘tkazadi.

Biroq transfer hali to‘liq yakunlangani yo‘q. «Tottenxem» endi Mudrikning o‘zi bilan shaxsiy shartnoma shartlarini kelishib olishi kerak.

Ayni paytda tomonlar o‘rtasida bu boradagi muzokaralar davom etmoqda.

Mudrik 2023 yil yanvaridan buyon «Chelsi» futbolchisi hisoblanadi. London klubi uni Doneskning «Shaxtyor» jamoasidan xarid qilgan edi.