«Barselona» bosh murabbiyi Xans-Diter Flik Rafinya Diasning markaziy hujumchi pozisiyasidagi o‘yini haqida fikr bildirdi.

29 yoshli braziliyalik futbolchi La Liganing dastlabki uchta uchrashuvida aynan markaziy hujumchi sifatida harakat qilib, 5 ta gol urdi va 1 ta golli uzatmani amalga oshirdi.

Biroq Rafinyaning bunday sermahsul o‘yini nemis mutaxassisini hayron qoldirmagan.

«Albatta, men bunday natijani kutgandim. Rafinya juda yaxshi futbolchi. U bizga aynan kerak bo‘lgan narsani berdi. Men juda mamnunman», — dedi Flik.

Murabbiy bu fikrlarni «Barselona»ning «Rayo Valyekano» ustidan 5:2 hisobidagi g‘alabasidan keyingi matbuot anjumanida bildirdi. Ushbu bahsda Rafinya dubl qayd etdi.

Shu bilan birga, kataloniyaliklar safi yaqin orada yana bir profil hujumchi bilan to‘ldirilishi kutilmoqda. Ma’lumotlarga ko‘ra, «Barselona» «Arsenal» forvardi Gabriel Jezus transferi bo‘yicha kelishuvga erishgan.