«Барселона» бош мураббийи Ханс-Дитер Флик Рафинья Диаснинг марказий ҳужумчи позициясидаги ўйини ҳақида фикр билдирди.

29 ёшли бразилиялик футболчи Ла Лиганинг дастлабки учта учрашувида айнан марказий ҳужумчи сифатида ҳаракат қилиб, 5 та гол урди ва 1 та голли узатмани амалга оширди.

Бироқ Рафиньянинг бундай сермаҳсул ўйини немис мутахассисини ҳайрон қолдирмаган.

«Албатта, мен бундай натижани кутгандим. Рафинья жуда яхши футболчи. У бизга айнан керак бўлган нарсани берди. Мен жуда мамнунман», — деди Флик.

Мураббий бу фикрларни «Барселона»нинг «Райо Вальекано» устидан 5:2 ҳисобидаги ғалабасидан кейинги матбуот анжуманида билдирди. Ушбу баҳсда Рафинья дубль қайд этди.

Шу билан бирга, каталонияликлар сафи яқин орада яна бир профиль ҳужумчи билан тўлдирилиши кутилмоқда. Маълумотларга кўра, «Барселона» «Арсенал» форварди Габриэл Жезус трансфери бўйича келишувга эришган.