«Manchester Yunayted» Angliya Premyer-ligasidagi mavsumning ilk uy uchrashuvida «Ipsvich»ni mag‘lub etib, muxlislarini xursand qildi. Biroq stadionga kelgan ayrim tomoshabinlar uchun o‘yin vaqtida futboldan ko‘ra boshqa muammo dolzarb bo‘ldi.

Ma’lum bo‘lishicha, «Old Trafford» tomi yana suv o‘tkazgan va ayrim tribunalardagi muxlislar yomg‘ir suvi ostida qolgan.

derbyderbyderby.it xabariga ko‘ra, bu muammo ilk bor 2024 yilda jiddiy namoyon bo‘lgan va hozirga qadar to‘liq hal etilmagan.

Muxlislardan biri ijtimoiy tarmoqda shunday yozdi:

«2026 yilda ham «Old Trafford» tomi suv o‘tkazmoqda. Yangi murabbiylar. Yangi transferlar. Ammo o‘sha eski hikoya».

Yana bir muxlis esa klubning yozgi xarajatlarini esladi:

«Manchester Yunayted» bu yoz 150 million funt sarfladi, ammo «Old Trafford» tomi hamon suv o‘tkazyapti», — dedi u.

Eslatib o‘tamiz, «Manchester Yunayted» so‘nggi bor 2013 yilda Angliya chempioni bo‘lgan.