«Barselona» yarim himoyachisi Mark Bernal jamoadoshi Lamin Yamalning o‘yini haqida fikr bildirdi.

19 yoshli vinger dushanba kuni La Liganing «Rayo Valyekano»ga qarshi uchrashuvida dubl qayd etdi. Bu Yamalning «Barselona» safida aprel oyidan buyon urgan ilk gollari bo‘ldi.

«Murabbiy Yamal haqida haq edi. So‘nggi o‘yinlarda Lamin gol urmayotgan bo‘lsa-da, o‘z mahoratini namoyish etib kelayotgandi.

U bu sifatlarini faoliyatining dastlabki kunlaridanoq ko‘rsatib kelmoqda. Bugun gol ura olganidan barchamiz xursandmiz», — dedi Bernal DAZN nashriga bergan intervyusida.

«Barselona» va «Rayo Valyekano» o‘rtasidagi uchrashuv kataloniyaliklarning 5:2 hisobidagi g‘alabasi bilan yakunlandi.

Mezbonlar safida Rafinya Dias ham dubl qayd etdi. Yana bir gol esa «Rayo Valyekano» futbolchisining o‘z darvozasiga kiritgan to‘pi hisobiga yozildi.