«Barselona» bosh murabbiyi Xans-Diter Flik La Liganing «Rayo Valyekano»ga qarshi 5:2 hisobidagi g‘alabasidan so‘ng Lamin Yamalning o‘yiniga yuqori baho berdi.

19 yoshli futbolchi uchrashuv qahramonlaridan biri bo‘ldi. U Rafinya Dias kabi dubl qayd etdi.

«Lamin doim rivojlanishni istaydi. Men undan juda mamnunman. Uning qanchalik yaxshi futbolchi ekani shunchaki hayratlanarli. Menimcha, u hozir aql bovar qilmas darajani namoyish etmoqda», — dedi Flik.

Murabbiyning so‘zlarini Barca Universal keltirdi.

Ushbu o‘yinda Yamal yana bir tarixiy natijaga erishdi. U klub miqyosida 50 ta gollik marraga yetgan Ispaniya futboli tarixidagi eng yosh futbolchiga aylandi.

«Barselona» La Liganing navbatdagi turida 6 sentyabr kuni safarda «Valensiya»ga qarshi maydonga tushadi.