Fransiyaning «Lans» klubi sobiq futbolchisi Rafael Varan sharafiga maxsus hududni nomladi.
Gap klubning mashg‘ulot bazasi sifatida foydalaniladigan markaz haqida ketmoqda. Endilikda ushbu hudud Varan nomi bilan ataladi.
Rafael Varan professional faoliyatini aynan «Lans»da boshlagan. Qizig‘i, u asosiy jamoada atigi bir mavsum to‘p tepgan bo‘lsa-da, klub rahbariyati uni o‘z tarixidagi alohida futbolchilardan biri sifatida qadrlaydi.
Varan markazning ochilish marosimida shaxsan ishtirok etdi. U klub prezidenti Jozef-Mari Ugurlyan bilan suhbat paytida hissiyotlarini yashira olmay, ko‘z yoshlarini ham tiya olmadi.
derbyderbyderby.it ma’lumotiga ko‘ra, Varan nomi berilgan markazni barpo etish klubga umumiy hisobda 7 million yevroga tushgan.
Ushbu summaga nafaqat qurilish ishlari, balki yer maydoni va boshqa tegishli xarajatlar ham kiritilgan.
