«Barselona» 2026/27 yilgi Ispaniya chempionatini ketma-ket uchta g‘alaba bilan boshladi.

Xansi Flik boshchiligidagi jamoa 3-tur doirasida o‘z maydonida «Rayo Valyekano»ni 5:2 hisobida mag‘lub etdi. Bunga qadar kataloniyaliklar «Elche» ustidan 5:0, «Atletik» ustidan esa 2:0 hisobida g‘alaba qozongan edi.

«Ko‘k-anorranglilar» dastlabki uchta uchrashuvda jami 12:2 hisobini qayd etib, turnir jadvalida peshqadamlik qilmoqda. Joze Mourinyo boshchiligidagi «Real» ham mavsumni uchta g‘alaba bilan boshlagan, ammo madridliklarning to‘plar nisbati biroz pastroq — 10:2.

«Atletiko», «Alaves» va «Osasuna» 7 tadan ochko jamg‘arib, yetakchilardan keyingi o‘rinlarda bormoqda.

«Valensiya», «Elche» va «Malaga» bir ochkodan to‘plagan va ayni paytda quyi ligaga tushib ketish hududida joylashgan.