Myunxenning «Bavariya» klubi bosh murabbiyi Vensan Kompani darvozabonlar pozisiyasidagi ehtimoliy rotasiya haqida fikr bildirdi.

«Jamoada Kubok yoki Chempionlar ligasi uchun alohida darvozabon bo‘lishi g‘oyasi menga yoqmaydi. Biz taqvimga qaraymiz va Noyerga qachon dam berish, Urbigga esa qachon imkoniyat taqdim etish mumkinligini hal qilamiz», — dedi Kompani matbuot anjumanida.

Yangi mavsumda 40 yoshli Manuel Noyer barcha musobaqalar doirasida ikkita uchrashuvda maydonga tushib, o‘z darvozasidan ikki to‘p o‘tkazib yubordi. 23 yoshli Yonas Urbig esa hozircha maydonga tushgani yo‘q.

2 sentyabr kuni «Bavariya» Germaniya Kubogining 1/32 final bosqichida safarda «Osnabryuk» bilan bahs olib boradi. Uchrashuv Toshkent vaqti bilan soat 23:45 da boshlanadi.