«Real» himoyachisi Antonio Ryudiger Germaniya terma jamoasidagi faoliyatini yakunlash qarorini izohladi.

«Biroz o‘ylab ko‘rgach, milliy terma jamoadagi faoliyatimni yakunlash va navbatdagi avlodga yo‘l berish vaqti kelganini angladim.

2014 yilda Germaniya terma jamoasi libosini ilk bor kiyganimda, bu jamoa safida 86 ta o‘yin o‘tkazishimni tasavvur ham qilmagan edim.

Garchi bir nechta yirik turnirlarda g‘olib chiqa olmagan va alamli mag‘lubiyatlarni boshdan kechirgan bo‘lsak-da, bu davr men uchun hayotimni abadiy o‘zgartirgan alohida bir bosqich bo‘ldi.

Barchaga katta rahmat. Jamoadoshlarimga — birga o‘tkazgan har bir o‘yin, kiyinish xonasidagi munosabatlar va, eng muhimi, futboldan keyin ham saqlanib qoladigan do‘stlik uchun minnatdorman», — deb yozdi 33 yoshli germaniyalik futbolchi.