«Barselona» vingeri Lamin Yamal joriy mavsumda jamoasi bilan Chempionlar ligasida g‘olib chiqishni maqsad qilganini aytdi.
19 yoshli ispaniyalik futbolchi La Liganing o‘tgan mavsumidagi eng yaxshi o‘yinchisi sovrinini qo‘lga kiritdi. Taqdirlash marosimida so‘zga chiqqan Yamaldan joriy mavsumdagi asosiy maqsadi haqida so‘rashdi.
«Bu mavsumdagi maqsadim — Chempionlar ligasida g‘olib chiqish», — deya Yamalning so‘zlarini The Touchline keltirdi.
Lamin Yamal Ispaniya terma jamoasi safida jahon va Yevropa chempioni bo‘lishga ulgurgan, «Barselona» bilan esa mamlakat miqyosidagi barcha musobaqalarda g‘olib chiqqan.
O‘tgan mavsumda Xans-Diter Flik shogirdlari Yevropaning eng nufuzli klub musobaqasini chorak finalda tark etgan. Kataloniyaliklar ushbu bosqichda «Atletiko»ga imkoniyatni boy bergan.
