«Milan» tarkibini Angliyaning «Nottingem Forest» klubidan kelgan Omari Xatchinson bilan kuchaytirdi. Futbolchining aytishicha, u doimo «rossonerilar» safida to‘p surishni orzu qilgan.
Xatchinsonning ijarasi «Milan»ga 4 million yevroga tushdi. Uni to‘liq sotib olish esa 44 million yevroga tushishi mumkin.
«Bu yerda bo‘lish — orzum ushalishi. «Milan»dek buyuk klubdan qo‘ng‘iroq bo‘lishi — shunchaki aqlbovar qilmas holat. Otam menga doimo shu libosni kiygan buyuk chempionlar haqida gapirib berardi. Endi esa shu jamoaning bir qismiga aylanish — ajoyib his», — deya Xatchinsonning so‘zlarini derbyderbyderby.it keltirdi.
Eslatib o‘tamiz, «Milan» Italiya chempionatining yangi mavsumini ketma-ket ikki g‘alaba bilan boshladi.
