«Милан» таркибини Англиянинг «Ноттингем Форест» клубидан келган Омари Хатчинсон билан кучайтирди. Футболчининг айтишича, у доимо «россонерилар» сафида тўп суришни орзу қилган.

Хатчинсоннинг ижараси «Милан»га 4 миллион еврога тушди. Уни тўлиқ сотиб олиш эса 44 миллион еврога тушиши мумкин.

«Бу ерда бўлиш — орзум ушалиши. «Милан»дек буюк клубдан қўнғироқ бўлиши — шунчаки ақлбовар қилмас ҳолат. Отам менга доимо шу либосни кийган буюк чемпионлар ҳақида гапириб берарди. Энди эса шу жамоанинг бир қисмига айланиш — ажойиб ҳис», — дея Хатчинсоннинг сўзларини derbyderbyderby.it келтирди.

Эслатиб ўтамиз, «Милан» Италия чемпионатининг янги мавсумини кетма-кет икки ғалаба билан бошлади.