«Manchester Yunayted» hujumchisi Joshua Zirkzee joriy transfer oynasida klubni tark etmaydi.

Niderlandiyalik futbolchiga «Everton» qiziqish bildirgan, ammo «qizil iblislar» Liverpul klubining taklifini darhol rad etgan.

Insayder Fabrisio Romano ma’lumotiga ko‘ra, «Manchester Yunayted» rahbariyati futbolchining yaqinlariga uni jamoada olib qolish haqida yakuniy qaror qabul qilinganini ma’lum qilgan. Zirkzeega transfer oynasining so‘nggi kunida ham klubni tark etishga ruxsat berilmaydi.

25 yoshli hujumchiga Italiyaning «Napoli», «Yuventus» va «Fiorentina» klublari ham qiziqish bildirgan.

Zirkzeening «Manchester Yunayted» bilan amaldagi shartnomasi 2029 yilning o‘rtalariga qadar mo‘ljallangan.

Transfermarkt portali ma’lumotiga ko‘ra, futbolchining bozor qiymati 20 million yevroni tashkil etadi.