«Манчестер Юнайтед» ҳужумчиси Жошуа Зиркзее жорий трансфер ойнасида клубни тарк этмайди.

Нидерландиялик футболчига «Эвертон» қизиқиш билдирган, аммо «қизил иблислар» Ливерпуль клубининг таклифини дарҳол рад этган.

Инсайдер Фабрицио Романо маълумотига кўра, «Манчестер Юнайтед» раҳбарияти футболчининг яқинларига уни жамоада олиб қолиш ҳақида якуний қарор қабул қилинганини маълум қилган. Зиркзеега трансфер ойнасининг сўнгги кунида ҳам клубни тарк этишга рухсат берилмайди.

25 ёшли ҳужумчига Италиянинг «Наполи», «Ювентус» ва «Фиорентина» клублари ҳам қизиқиш билдирган.

Зиркзеенинг «Манчестер Юнайтед» билан амалдаги шартномаси 2029 йилнинг ўрталарига қадар мўлжалланган.

Transfermarkt портали маълумотига кўра, футболчининг бозор қиймати 20 миллион еврони ташкил этади.