«Xall Siti» «Jenoa» himoyachisi Bruk Norton-Kaffi bilan shartnoma imzolaganini e’lon qildi. 22 yoshli angliyalik futbolchi klubning yozgi transfer oynasidagi 15-yangi futbolchisiga aylandi.

Tomonlar o‘rtasidagi shartnoma besh yilga mo‘ljallangan. Transfer summasi oshkor etilmagan.

Bitim doirasida «Xall Siti» himoyachisi Kodi Drame esa «Jenoa» safiga o‘tdi.

Norton-Kaffi so‘nggi ikki mavsumni «Jenoa»da o‘tkazib, Italiya chempionatida 40 ta o‘yinda maydonga tushgan. Angliyalik futbolchi Sergey Yakirovich jamoasining o‘ng qanot himoyasini kuchaytirishi kutilmoqda.

Norton-Kaffi «Arsenal» tarbiyalanuvchisi hisoblanadi, ammo u klubning asosiy jamoasida o‘ynamagan. «Jenoa»ga o‘tishidan oldin himoyachi «Linkoln Siti», «Roterxem Yunayted», «Koventri Siti» va «Milluoll» klublarida ijara asosida to‘p surgan.