«Barselona» himoyachisi Alexandro Balde qishki transferlar oynasida «Manchester Yunayted»ga o‘tishi mumkin. Bu haqda The Touchline xabar berdi.

Manbaga ko‘ra, klublar o‘tgan yozda futbolchining transferi bo‘yicha kelisha olmagan. Bundan tashqari, himoyachining o‘zi ham «Barselona»ni tark etishni istamagan.

Biroq Balde kam o‘yin amaliyotiga ega bo‘lsa, yanvar oyida jamoani tark etish variantini ko‘rib chiqishi mumkinligi ta’kidlangan.

22 yoshli ispaniyalik futbolchi yangi mavsumda hali biror marta maydonga tushmadi. Uning klub bilan amaldagi shartnomasi 2028 yilgacha mo‘ljallangan. Transfermarkt portali mutaxassislari himoyachining qiymatini 50 million yevroga baholamoqda.