«Барселона» ҳимоячиси Алехандро Бальде қишки трансферлар ойнасида «Манчестер Юнайтед»га ўтиши мумкин. Бу ҳақда The Touchline хабар берди.
Манбага кўра, клублар ўтган ёзда футболчининг трансфери бўйича келиша олмаган. Бундан ташқари, ҳимоячининг ўзи ҳам «Барселона»ни тарк этишни истамаган.
Бироқ Бальде кам ўйин амалиётига эга бўлса, январь ойида жамоани тарк этиш вариантини кўриб чиқиши мумкинлиги таъкидланган.
22 ёшли испаниялик футболчи янги мавсумда ҳали бирор марта майдонга тушмади. Унинг клуб билан амалдаги шартномаси 2028 йилгача мўлжалланган. Transfermarkt портали мутахассислари ҳимоячининг қийматини 50 миллион еврога баҳоламоқда.
