«Barselona» vingeri Lamin Yamal «Atletiko» hujumchisi Xulian Alvares kataloniyaliklar safini kuchaytira oladimi, degan savolga javob berdi.
«Menimcha, hozir jamoamizda hammasi juda yaxshi. Ammo bizga urilgan gollar yetishmayapti. Albatta, Xulian — ajoyib futbolchi, lekin men hozirgi tarkibimizdan mamnunman», — deya Yamalning so‘zlarini BarçaTimes keltirdi.
Eslatib o‘tamiz, «Barselona» yozgi transfer oynasida argentinalik hujumchini o‘z safiga qo‘shib olishga harakat qilgan edi. Biroq «Atletiko» Alvaresni to‘g‘ridan-to‘g‘ri raqibiga qo‘yib yuborishni istamadi.
La Liganing dastlabki uch turidan keyin «Barselona» 9 ochko jamg‘arib, turnir jadvalida peshqadamlik qilmoqda.
Kataloniyaliklar 4-turda safarda «Valensiya»ga qarshi maydonga tushadi. Uchrashuv 6 sentyabr kuni bo‘lib o‘tadi.
