«Барселона» вингери Ламин Ямал «Атлетико» ҳужумчиси Хулиан Альварес каталонияликлар сафини кучайтира оладими, деган саволга жавоб берди.

«Менимча, ҳозир жамоамизда ҳаммаси жуда яхши. Аммо бизга урилган голлар етишмаяпти. Албатта, Хулиан — ажойиб футболчи, лекин мен ҳозирги таркибимиздан мамнунман», — дея Ямалнинг сўзларини BarçaTimes келтирди.

Эслатиб ўтамиз, «Барселона» ёзги трансфер ойнасида аргентиналик ҳужумчини ўз сафига қўшиб олишга ҳаракат қилган эди. Бироқ «Атлетико» Альваресни тўғридан-тўғри рақибига қўйиб юборишни истамади.

Ла Лиганинг дастлабки уч туридан кейин «Барселона» 9 очко жамғариб, турнир жадвалида пешқадамлик қилмоқда.

Каталонияликлар 4-турда сафарда «Валенсия»га қарши майдонга тушади. Учрашув 6 сентябрь куни бўлиб ўтади.