Mikel Arteta «Arsenal»ning Malik Fofanani transfer qilish rejasiga amalda to‘siq qo‘ygan. Bu haqda The Athletic xabar berdi.

Manba ma’lumotiga ko‘ra, «Lion» 21 yoshli belgiyalik vingerni londonliklarga taklif qilgan. «Arsenal» sport direktori Andrea Berta futbolchining katta muxlisi bo‘lgan.

Arteta Fofana bilan shaxsan suhbat ham o‘tkazgan, ammo uning Angliya Premyer-ligasidagi jismoniy kurashlarga qay darajada moslasha olishi borasida shubha bildirgan.

Shu sababli klub ichida futbolchi bo‘yicha fikrlar ikkiga bo‘lingan va yakunda «Arsenal» transferni davom ettirmaslikka qaror qilgan.

Yana bir omil sifatida klubning xarajatlar limitini buzib qo‘yishdan xavotirlangani tilga olinmoqda. Shu bois «Arsenal» faqat ijara variantini ko‘rib chiqishga tayyor bo‘lgani aytilgan, garchi klubdagi ayrim manbalar bu ma’lumotni rad etgan bo‘lsa ham.

Yakunda Fofana uchun «Sanderlend» va «Kristal Pelas» kurash olib bordi. 21 yoshli futbolchi oxir-oqibat «Sanderlend»ga o‘tdi, «Lion» esa transfer uchun umumiy hisobda 35 million yevro oladi.