"Bavariya" yozgi transfer oynasida nisbatan sokin harakat qildi. Myunxenliklar PSVdan Ismoil Saybari va "Ayntraxt"dan Nataniel Braunni taxminan 50 million yevrodan xarid qildi.

Jamoa o‘tgan mavsumdagi asosiy tarkibini deyarli saqlab qolgani sabab, "Bavariya"ning sobiq himoyachisi Markus Babbel klubning bu yondashuvini to‘liq qo‘llab-quvvatladi.

"Mukammal 10 ball. Ular faqat kerakli ishlarni qilishdi", — dedi Babbel RTL/Sky'ga.

Uning fikricha, "Bavariya" ko‘plab yangi futbolchilarni olib, jamoadagi uyg‘unlikni buzish o‘rniga, aniq pozisiyalarga mos transferlarni amalga oshirgani to‘g‘ri bo‘lgan.

Babbel sport direktori Maks Eberlning faoliyatiga ham yuqori baho berdi. Eberlning shartnomasi yaqinda uzoq muzokaralardan keyin uzaytirilgan edi.

"Maks kelganidan beri juda yaxshi ishlayapti. U to‘g‘ri murabbiyni topdi, klubda xotirjamlik va ambisiya yana qaytdi", — dedi sobiq futbolchi.

Babbel, shuningdek, Eberl va Vensan Kompani o‘rtasidagi munosabatni ham alohida ta’kidladi.

"U murabbiy bilan yaxshi munosabatga ega. Ular bir tilda gaplashadi", — deya qo‘shimcha qildi u.