"Manchester Yunayted" yarim himoyachisi Jek Murxaus Shotlandiya Premyer-ligasida ishtirok etuvchi "Dandi" klubiga bir mavsumga ijaraga o‘tdi.
20 yoshli futbolchi uzoq muddatli jarohatdan keyin safga qaytib, 2024/25 yilgi mavsumda "Manchester Yunayted"ning U-21 jamoasida o‘zini ko‘rsata oldi. U asosiy jamoa bilan ham mashg‘ulotlarda qatnashgan va bir necha bor o‘yin qaydnomasiga kiritilgan.
Murxaus o‘tgan mavsumni Liga 1 vakili "Leyton Oriyent"da ijara asosida o‘tkazdi. U barcha musobaqalarda 24 ta uchrashuvda maydonga tushib, 1 ta gol urdi va 2 ta golli uzatma amalga oshirdi.
Keyinchalik futbolchi "Manchester Yunayted"ga qaytib, mavsumni Adam Lourens boshchiligidagi U-21 jamoasida yakunladi.
Irlandiya Respublikasi yoshlar terma jamoasi futbolchisi endi "Dandi" bosh murabbiyi Stiven Pressli qo‘l ostida Shotlandiyaning yuqori divizionida tajriba to‘playdi.
"Bu yerda ekanimdan xursandman. "Dandi" yaxshi klub, sharoitlar ham yoqdi. Jamoa mavsumni yaxshi boshladi, shuning uchun bu yerga kelganimdan mamnunman.
Iloji boricha ko‘proq futbol o‘ynashni xohlayman. Bu tajribadan zavq olishimga ishonaman. Shotlandiyadagi davrimdan maksimal foyda olishni istayman", — dedi Murxaus.
