«Chelsi» vingeri Estevao Villian jamoadagi o‘rnidan xavotirda.

ESPN Brasil ma’lumotiga ko‘ra, 19 yoshli braziliyalik futbolchi yaqin atrofidagilarga bosh murabbiy Xabi Alonso qo‘l ostida muntazam o‘yin amaliyotidan mahrum bo‘lib qolishdan qo‘rqayotganini aytgan.

Estevao qanotdan ko‘ra markazga yaqinroq pozisiyada o‘ynashni afzal ko‘radi. Uning fikricha, qanotda jismoniy tayyorgarlikka talab yuqoriroq bo‘ladi. Yosh futbolchi mushak massasini ko‘paytirish odatiy yengilligi va texnikaga asoslangan o‘yin uslubiga salbiy ta’sir qilishi mumkin, deb hisoblaydi.

Shu bilan birga, Estevao Londondagi hayotidan mamnun va «Chelsi»ni tark etishni istamaydi. Ammo agar Alonso unga kam o‘yin vaqti bersa, futbolchi yanvar oyida transfer so‘rashi mumkin.

Joriy APL mavsumida Estevao ikki o‘yinda jami 7 daqiqa maydonda harakat qildi. Liga kubogida «Luton»ga qarshi bahsda esa asosiy tarkibda maydonga tushib, 80-daqiqada almashtirildi.