«Milan» markaziy himoyachisi Straxinya Pavlovich yaqin vaqt ichida klub bilan yangi shartnoma imzolashi mumkin.
Serbiyalik futbolchining amaldagi shartnomasi 2028 yil yozigacha amal qiladi. Biroq «rossonerilar» rahbariyati futbolchining o‘yinlaridan mamnun va unga uzoq muddatli yangi kelishuv taklif qilmoqda. Insayder Nikolo Skiraning ma’lumotiga ko‘ra, 25 yoshli futbolchi shartnomasini 2031 yil o‘rtasigacha uzaytirishga tobora yaqinlashmoqda.
Straxinya Pavlovich 2024 yil yozida Avstriyaning «Red Bull Zalsburg» klubidan «Milan»ga o‘tgan. Markaziy himoyachi Italiya grandi safida barcha musobaqalarda 75 ta uchrashuvda maydonga tushib, 7 ta gol va 3 ta golli uzatma qayd etgan.
