"Nyukasl" himoyachisi Lyuis Xoll yaqin vaqt ichida shartnomasini uzaytirish bo‘yicha taklif olishi mumkin. Bu haqda TEAMtalk xabar berdi.

Manba ma’lumotiga ko‘ra, "qarg‘alar" 21 yoshli futbolchi bilan yangi va ancha yaxshilangan shartnoma borasida muzokaralarni boshlashga tayyorlanmoqda. Klub "Manchester Yunayted"ning Xollga bo‘lgan qiziqishi fonida uning maoshini sezilarli darajada oshirishni rejalashtirgan.

Avvalroq "qizil iblislar" Xollni 2027 yilda sotib olishga urinishi mumkinligi xabar qilingan edi.

Joriy mavsumda himoyachi barcha musobaqalar doirasida 3 ta uchrashuvda maydonga tushdi, ammo hozircha gol yoki assist qayd etmadi.