O‘zbekiston Superligasining 20-turidan o‘rin olgan "Paxtakor" — "Andijon" uchrashuvi yakunlandi.
Toshkentdagi "Paxtakor" stadionida o‘tgan bahsda mezbonlar 3:0 hisobida ishonchli g‘alabaga erishdi.
"Paxtakor" birinchi bo‘limning o‘zida ikki to‘plik ustunlikni ta’minladi. 21-daqiqada Zaid Tahsin hisobni ochgan bo‘lsa, 29-daqiqada Sardor Sobirxo‘jayev jamoasining ikkinchi golini urdi.
59-daqiqada "Andijon" darvozaboni Artyom Potapov maydondan chetlatildi. Natijada mehmonlar uchrashuvning qolgan qismini bir kishi kam bo‘lib o‘tkazdi.
69-daqiqada Muhammadrasul Abdumajidov "Andijon" darvozasini yana bir bor ishg‘ol qilib, hisobni yirik ko‘rinishga keltirdi — 3:0.
Qolgan daqiqalarda hisob o‘zgarmadi va "Paxtakor" 20-turni yirik g‘alaba bilan yakunladi.
