Ўзбекистон Суперлигасининг 20-туридан ўрин олган "Пахтакор" — "Андижон" учрашуви якунланди.
Тошкентдаги "Пахтакор" стадионида ўтган баҳсда мезбонлар 3:0 ҳисобида ишончли ғалабага эришди.
"Пахтакор" биринчи бўлимнинг ўзида икки тўплик устунликни таъминлади. 21-дақиқада Заид Таҳсин ҳисобни очган бўлса, 29-дақиқада Сардор Собирхўжаев жамоасининг иккинчи голини урди.
59-дақиқада "Андижон" дарвозабони Артём Потапов майдондан четлатилди. Натижада меҳмонлар учрашувнинг қолган қисмини бир киши кам бўлиб ўтказди.
69-дақиқада Муҳаммадрасул Абдумажидов "Андижон" дарвозасини яна бир бор ишғол қилиб, ҳисобни йирик кўринишга келтирди — 3:0.
Қолган дақиқаларда ҳисоб ўзгармади ва "Пахтакор" 20-турни йирик ғалаба билан якунлади.
