«Liverpul» sardori Virjil van Deyk Angliya chempionatining 3-turida «Ipsvich» ustidan qozonilgan 2:0 hisobidagi g‘alabaga munosabat bildirdi.

«Menimcha, o‘yin boshida «Liverpul» raqib maydonida xavf yaratish va biroz tartibsizlik keltirib chiqarish uchun to‘g‘ridan-to‘g‘ri harakat qilishga urindi. Juda chiroyli gollar urdik. Kodi ajoyib o‘ynadi. Bu yaxshi g‘alaba bo‘ldi, endi oldinga harakat qilamiz.

Gakponing «Liverpul»da qolgani juda muhim. Men bu haqda transfer oynasi yopilishidan oldin ham aytgan edim: u biz uchun muhim futbolchi va bu mavsumda ham shunday bo‘lib qoladi.

Bugun u buni yana bir bor ko‘rsatdi. O‘tgan haftada ham, so‘nggi bir necha yil davomida ham o‘z darajasini namoyon qilib kelyapti. Unga faqat shu ruhda davom etish kerak», — dedi van Deyk BBCga.

«Liverpul» 5 ochko to‘plab, APL turnir jadvalida 5-o‘rinni egallab turibdi. «Ipsvich» esa 3 ochko bilan 11-pog‘onada bormoqda.