«Real» bosh murabbiyi Joze Mourinyo hujumchi Karlos Espining o‘yiniga baho berdi.
21 yoshli futbolchi juma kuni La Liga doirasida «Betis»ga qarshi o‘tgan uchrashuvning 82-daqiqasida, madridliklar gol o‘tkazib yuborganidan so‘ng zaxiradan maydonga tushdi.
Oradan besh daqiqa o‘tib, Espi qaychi uslubida chiroyli gol urdi. Biroq VAR aralashuvidan so‘ng hakam golni bekor qildi.
«Men Espidan juda mamnunman. U o‘z vazifasini yaxshi biladi va uni ajoyib tarzda bajaryapti. Karlos — kamtar, mehnatkash futbolchi. U doim tinglashga va o‘rganishga harakat qiladi.
U maydonga tushgan har safar o‘zini ko‘rsata oladi», — dedi Mourinyo.
«Real» «Betis»ga qarshi uchrashuvda hisobni tenglashtira olmadi va 0:1 hisobida mag‘lub bo‘ldi.
Karlos Espi o‘tgan yozda «Levante»dan «Real»ga ko‘chib o‘tgan edi.
