«Pari Sen-Jermen» prezidenti Nosir Al-Xelaifiy bosh murabbiy Luis Enrike va jamoaning besh nafar futbolchisi bilan shartnomalar uzaytirilgani haqida fikr bildirdi.
Parijliklar bosh murabbiy bilan yangi kelishuvni 2030 yilgacha uzaytirdi. Shuningdek, klub Fabian Ruis bilan 2028 yilgacha, Vilyan Pacho, Joau Nevesh, Lukas Beraldo va Senni Mayulu bilan esa 2031 yilgacha mo‘ljallangan shartnomalar imzoladi.
«Luis Enrike, Senni Mayulu, Joau Nevesh, Vilyan Pacho, Lukas Beraldo va Fabian Ruis «PSJ» bilan birgalikdagi yo‘lini davom ettirishidan xursandmiz.
Ularning barchasi klubimizning nafaqat buguni, balki kelajagini ham ifodalaydi. Biz istiqbolga mo‘ljallangan loyiha qurishga, o‘z qadriyatlarimizga sodiq qolishga va tarixni qayta yozishda davom etishga harakat qilyapmiz.
Maqsadimiz — muxlislarimiz biz bilan faxrlanishi», — dedi Al-Xelayfiy.
