Xorvatiyalik tajribali futbolchi Luka Modrich milliy terma jamoa safida o‘ynashni davom ettirishini ma’lum qildi. Bu qaror Xorvatiya terma jamoasi bosh murabbiyi Slaven Bilichni juda xursand qildi.
«Albatta, Lukaning bu qarori meni nihoyatda quvontirdi. Biz barchamiz uning Xorvatiya terma jamoasiga maydonda ham, uning tashqarisida ham qanchalik katta hissa qo‘shayotganini juda yaxshi bilamiz.
14 yildan keyin u bilan yana birga ishlash imkoniyatini intiqlik bilan kutyapman. Ikkimizni ham bir maqsad birlashtiradi — Xorvatiyani dunyoning eng kuchli terma jamoalari bilan tengma-teng raqobatlasha oladigan yuqori saviyali va muvaffaqiyatli jamoa sifatida saqlab qolish», — deya Bilichning so‘zlarini pianetamilan.it keltirmoqda.
Eslatib o‘tamiz, Modrich oltita jahon chempionatida ishtirok etgan. U so‘nggi jahon chempionatida ham Xorvatiya terma jamoasi safida maydonga tushgan.
