Хорватиялик тажрибали футболчи Лука Модрич миллий терма жамоа сафида ўйнашни давом эттиришини маълум қилди. Бу қарор Хорватия терма жамоаси бош мураббийи Славен Билични жуда хурсанд қилди.

«Албатта, Луканинг бу қарори мени ниҳоятда қувонтирди. Биз барчамиз унинг Хорватия терма жамоасига майдонда ҳам, унинг ташқарисида ҳам қанчалик катта ҳисса қўшаётганини жуда яхши биламиз.

14 йилдан кейин у билан яна бирга ишлаш имкониятини интиқлик билан кутяпман. Иккимизни ҳам бир мақсад бирлаштиради — Хорватияни дунёнинг энг кучли терма жамоалари билан тенгма-тенг рақобатлаша оладиган юқори савияли ва муваффақиятли жамоа сифатида сақлаб қолиш», — дея Биличнинг сўзларини pianetamilan.it келтирмоқда.

Эслатиб ўтамиз, Модрич олтита жаҳон чемпионатида иштирок этган. У сўнгги жаҳон чемпионатида ҳам Хорватия терма жамоаси сафида майдонга тушган.