«Yuventus» bosh murabbiyi Luchano Spalletti A Seriyada «Milan»ga qarshi uchrashuv arafasida jamoasining o‘yini haqida fikr bildirdi.

«Shunday bir davr bo‘ldiki, jamoamiz ajoyib va chiroyli futbol namoyish etdi. Bu o‘yinni tomosha qilish juda yoqimli edi.

Keyin esa biroz yo‘limizdan adashdik, chunki biz ko‘rmoqchi bo‘lgan futbol uchun to‘g‘ri poydevor yarata olmadik.

Endi tarkibimizga yangi futbolchilar qo‘shilgach, yana o‘sha darajaga qaytib, uni barqaror ravishda saqlab tura olamiz, deb o‘ylayapmiz. Bu fikrlarimiz qanchalik to‘g‘ri ekanini vaqt ko‘rsatadi.

Menga jamoamiz yoqadi — u haqiqatan ham yaxshi. Ammo chempionatda boshqa kuchli jamoalar ham bor», — dedi Spalletti DAZN nashriga bergan intervyusida.

«Yuventus» Italiya chempionatining dastlabki ikki turida 6 ochko jamg‘argan.