"Valensiya" bugun, 6 sentyabr kuni Ispaniya chempionatining 4-turi doirasida o‘z maydonida "Barselona"ni qabul qiladi.
Tahlilchilar bo‘lajak uchrashuvda "Barselona"ni yaqqol favorit deb hisoblamoqda. Ularning bahosiga ko‘ra, mehmonlarning g‘alaba qozonish ehtimoli 74,9 foizni tashkil etadi.
"Valensiya"ning g‘alaba ehtimoli 9,2 foiz, durang natija qayd etilishi ehtimoli esa 15,9 foiz deb baholangan.
Joriy mavsumning dastlabki uch turidan keyin "Valensiya" bor-yo‘g‘i 1 ochko jamg‘argan. "Barselona" esa 9 ochko bilan turnir jadvalida peshqadamlik qilmoqda.
Uchrashuv Toshkent vaqti bilan 19:15 da boshlanadi.
