Yarim o‘rta vazn toifasida UFC’ning sobiq chempioni, kelib chiqishi falastinlik bo‘lgan amerikalik Belal Muhammad fransiyalik debyutant Salaxdin Parnassning Parijdagi UFC Fight Night 287 turnirining markaziy jangida Den Xuker ustidan qozongan g‘alabasiga munosabat bildirib, yangi a’zoning navbatdagi raqibi promoushen veterani Maykl Chendler bo‘lishini taxmin qildi.
«Aytganimdek bo‘ldi. Bas, endi unga navbatdagi raqib sifatida Maykl Chendlerni berishadi, garchi Parnass Salkilldga qarshi jangi dahshat bo‘lar edi», — deb yozdi Muhammad X ijtimoiy tarmog‘idagi o‘z sahifasida.
Salaxdin Parnass 28 yoshda. Fransiyalik sportchi aralash yakkakurashlar bo‘yicha professional jangchi sifatida 2014 yilda debyut qilgan, 2017 yildan beri Polshaning KSW tashkilotida musobaqalashib, ikki vazn toifasida chempion bo‘lgan. Uning hisobida jami 26 ta g‘alaba va ikkita mag‘lubiyat bor.
