Myunxenning «Bavariya» klubi bosh direktori lavozimini egallab turgan Yan-Kristian Drezen Jamal Musialaning joriy mavsumdagi ilk o‘yini haqida o‘z fikrlarini bildirdi.

Hujumkor yarim himoyachi Bundesliganing ikkinchi turidan o‘rin olgan «Shalke»ga qarshi uchrashuvning (0:0) ikkinchi bo‘limida maydonga tushdi. Eslatib o‘tamiz, «Bavariya»ning mavsum oldi o‘yinlari davomida 23 yoshli xavbek maydonning o‘zida ikki bor hushini yo‘qotgan edi.

«Jamal juda yaxshi shug‘ullandi. Kompani uni tarkibga kiritgani va unga o‘yin vaqti bergani juda ajoyib bo‘ldi deb hisoblayman. U uchrashuv taqdiri hali hal bo‘lmagan bir paytda uni maydonga tushirdi va bu murabbiyning unga qanchalik ishonishini ko‘rsatadi», — deydi Drezen SPORT1 nashriga.

Germaniyalik futbolchining «Bavariya» bilan amaldagi shartnomasi 2030 yilning yozigacha mo‘ljallangan.