«Yuventus» Italiya A Seriyasining 3-turida o‘z maydonida «Milan» bilan 1:1 hisobida durang o‘ynadi.

Uchrashuvda hisob 68-daqiqada ochildi. «Milan»ning 19 yoshli yarim himoyachisi Alfadjo Sisse jamoasini oldinga olib chiqdi.

«Yuventus» esa bahsning 90+2-daqiqasida mag‘lubiyatdan qutulib qoldi. Federiko Gatti hisobni tenglashtirdi.

Ushbu natijadan so‘ng «Milan» 7 ochko bilan A Seriya turnir jadvalida to‘rtinchi o‘rinni egallab turibdi. Xuddi shuncha ochkoga ega «Yuventus» qo‘shimcha ko‘rsatkichlar bo‘yicha milanliklardan ortda qolib, beshinchi pog‘onada bormoqda.

Keyingi turda «Milan» 12 sentyabr kuni Rimda «Lasio»ga qarshi maydonga tushadi. «Yuventus» esa 13 sentyabr kuni o‘z maydonida «Sassuolo»ni qabul qiladi.