Ukrainalik hujumchi Artyom Dovbikning goli uning yangi jamoasi «Bolonya»ga «Sassuolo»ga qarshi bahsda mag‘lubiyatdan qutulib qolish imkonini berdi. Uchrashuvdan so‘ng futbolchi o‘z goli va natija haqida fikr bildirdi.

«Juda baxtliman. Ayniqsa, uzoq davom etgan jarohatdan keyin maydonga qaytganimdan buyon gol ura olmayotgan edim. Hujumchi uchun esa gollar juda muhim.

Bugun Pikkoli ham gol urdi. Ikki hujumchining bir o‘yinda gol urishi butun jamoaga ishonch beradi. Maydonda bir-birimizni juda yaxshi tushunamiz va bir-birimiz uchun harakat qilamiz. Biz muhim durangga erishdik», — deya Dovbikning so‘zlarini «Bolonya» rasmiy sayti keltirdi.

Eslatib o‘tamiz, ukrainalik futbolchi avvalroq «Roma» va «Jirona» kabi klublar safida ham to‘p surgan.