Украиналик ҳужумчи Артём Довбикнинг голи унинг янги жамоаси «Болонья»га «Сассуоло»га қарши баҳсда мағлубиятдан қутулиб қолиш имконини берди. Учрашувдан сўнг футболчи ўз голи ва натижа ҳақида фикр билдирди.

«Жуда бахтлиман. Айниқса, узоқ давом этган жароҳатдан кейин майдонга қайтганимдан буён гол ура олмаётган эдим. Ҳужумчи учун эса голлар жуда муҳим.

Бугун Пикколи ҳам гол урди. Икки ҳужумчининг бир ўйинда гол уриши бутун жамоага ишонч беради. Майдонда бир-биримизни жуда яхши тушунамиз ва бир-биримиз учун ҳаракат қиламиз. Биз муҳим дурангга эришдик», — дея Довбикнинг сўзларини «Болонья» расмий сайти келтирди.

Эслатиб ўтамиз, украиналик футболчи аввалроқ «Рома» ва «Жирона» каби клублар сафида ҳам тўп сурган.