«Chelsi» sardori Ris Jeyms APLning 3-turida safarda «Arsenal»dan uchralgan mag‘lubiyat (1:2) haqida to‘xtalib o‘tdi.

«Ushbu o‘yinda ijobiy jihatlar juda ko‘p bo‘ldi. Biz o‘yinni juda yaxshi boshladik, hisobda ortda qolayotganimizda esa iroda ko‘rsatib, o‘yinga qaytishga harakat qildik. Ammo yakunda bizga shunchaki vaqt yetmay qoldi.

Bu darajadagi futbol — alohida epizodlar o‘yinidir. Bitta yoki ikkita vaziyat hisobni o‘zgartirib yuborishi mumkin. Bugun og‘ir o‘yin bo‘ldi, endi uni tahlil qilib, to‘g‘ri xulosalar chiqarishimiz kerak».

Maydon markazidagi kurash haqida

«Bu Premyer-liga — dunyoning eng kuchli chempionati. Maydon markazida yoki boshqa har qanday pozisiyada istalgan raqibga qarshi o‘ynash hamisha jiddiy sinovga aylanadi».

Xabi Alonso talablariga moslashish haqida

«Biz imkon qadar tezroq moslashishga harakat qilyapmiz. Biz hali ham uni yaqindan tanimoqdamiz va aynan qanday o‘ynashimizni xohlayotganini tushunib yetyapmiz. Buning uchun vaqt talab etiladi, lekin biz butun e’tiborimizni o‘z maqsadlarimizga va murabbiy talablarini bajarishga qaratganmiz».

«Chelsi» «Arsenal» bilan kurasha olishi haqida

«Mavsum oxirida qayerda bo‘lishimizni ko‘ramiz. Biz nima qilishimiz kerakligini bilamiz va boshqa jamoalarning e’tiborimizni bo‘lishiga yo‘l qo‘ymasdan, bor e’tiborni o‘zimizga qaratishimiz lozim», — dedi Djeyms Sky Sports efirida.