«Manchester Yunayted»ning sobiq darvozaboni Peter Shmeyxel Martin Edegorning «Chelsi»ga qarshi o‘yiniga yuqori baho berdi.
APLning 3-turida «Arsenal» «ko‘klar»ni 2:1 hisobida mag‘lub etdi. «Kanonirlar» kapitani 50-daqiqada hal qiluvchi golni urdi.
«Xudoyim, u naqadar yaxshi? Men uchun u maydondagi eng yaxshi futbolchi bo‘ldi. Albatta, biz qaysi futbolchini yoqtirishimizni ko‘ramiz va sezamiz.
Bu yigit... Uning ushbu jamoa uchun qilayotgan ishlari haqiqatan ham hayratlanarli. U texnika jihatidan juda kuchli. U maydonda ko‘rayotgan narsalarni boshqa hech kim ko‘rmaydi.
Uni «Arsenal» tarkibidan olib tashlang va shundan keyin nima bo‘lishini tasavvur qilish juda, juda qiyin. Menimcha, Angliyada bunday darajadagi futbolchisi bor boshqa jamoa yo‘q», — dedi Shmeyxel Viaplay nashriga.
