Belgiyalik yarim himoyachi Nikolas Raskin, huquqlari Shotlandiyaning «Reyndjers» klubiga tegishli bo‘lib, Angliya Premyer-ligasi klublari qiziqish doirasiga tushdi.

Insayder Ekrem Konurning ijtimoiy tarmoqlardagi ma’lumotlariga ko‘ra, 25 yoshli futbolchini «Kristal Pelas», «Tottenxem», «Lids» va «Nottingem Forest» klublari o‘z safiga qo‘shishdan manfaatdor.

O‘tgan yozda Raskinni Turkiyaning «Beshiktash» klubi ham qo‘lga kiritishga uringan, ammo transfer amalga oshmagan.

Nikolas Raskin 2023 yil yanvaridan buyon «Reyndjers» safida to‘p tepmoqda. Belgiyalik futbolchining klub bilan shartnomasi 2028 yil may oyining oxiriga qadar amal qiladi. Uning transfer qiymati 17 million yevro deb baholanmoqda.