Бельгиялик ярим ҳимоячи Николас Раскин, ҳуқуқлари Шотландиянинг «Рейнджерс» клубига тегишли бўлиб, Англия Премьер-лигаси клублари қизиқиш доирасига тушди.
Инсайдер Экрем Конурнинг ижтимоий тармоқлардаги маълумотларига кўра, 25 ёшли футболчини «Кристал Пэлас», «Тоттенхэм», «Лидс» ва «Ноттингем Форест» клублари ўз сафига қўшишдан манфаатдор.
Ўтган ёзда Раскинни Туркиянинг «Бешикташ» клуби ҳам қўлга киритишга уринган, аммо трансфер амалга ошмаган.
Николас Раскин 2023 йил январидан буён «Рейнджерс» сафида тўп тепмоқда. Бельгиялик футболчининг клуб билан шартномаси 2028 йил май ойининг охирига қадар амал қилади. Унинг трансфер қиймати 17 миллион евро деб баҳоланмоқда.
