«Manchester Yunayted» yarim himoyachisi Brunu Fernandesh «Oltin to‘p» uchun 30 nafar nomzod qatoriga kiritilishi kutilmoqda. Bu haqda jurnalist Sam C. ma’lum qildi. Rasmiy nomzodlar ro‘yxati 8 sentyabr, seshanba kuni e’lon qilinishi rejalashtirilgan.
O‘tgan mavsumda Fernandesh APLning bir mavsumida eng ko‘p golli uzatmani amalga oshirish bo‘yicha rekord o‘rnatdi — 21 ta assist. Shuningdek, portugaliyalik futbolchi Angliya chempionatida 35 ta uchrashuvda 10 ta gol urdi.
Joriy mavsumda esa Fernandesh 3 ta o‘yinda 3 ta gol va 1 ta golli uzatma qayd etdi.
«Oltin to‘p» taqdimot marosimi 26 oktyabr kuni bo‘lib o‘tishi kutilmoqda. Sovrinning amaldagi sohibi — «PSJ» hujumchisi Usmon Dembele.
