1982 yilgi jahon chempioni va "Inter"ning sobiq futbolchisi Juzeppe Bergomi Chempionlar ligasi umumiy bosqichining 1-turida "Real"ga qarshi o‘yindan nimalar kutayotganini aytdi.

"Inter" jasorat ko‘rsatishiga umid qilaman. Agar maydonga faqat himoyalanish uchun chiqsak, hech qanday imkoniyatimiz bo‘lmaydi.

"Bernabeu"ga kelib, o‘yinda to‘liq ustunlik qilaman, deb o‘ylash amalga oshmaydigan orzu. Ammo maqsadimiz jangovor ruh va jasorat ko‘rsatish, shuningdek, raqibning ayrim muhim futbolchilari yo‘q bo‘lgan markaziy hududda nazoratni qo‘lga olishga harakat qilish bo‘lishi kerak.

Biz qanday raqibga qarshi o‘ynashimizni juda yaxshi bilamiz. Ammo agressiv va jasur "Inter" ularga munosib qarshilik ko‘rsata oladi, deb o‘ylayman.

Mourinyu o‘yinning ayrim jihatlarini o‘zgartirmoqda va himoyada kuchli, hujumda qat’iyatli jamoa qurmoqda. Lekin baribir "Real"ni mag‘lub etish mumkin", — deya Bergomining so‘zlarini AS keltirdi.

"Real" va "Inter" o‘rtasidagi uchrashuv 8 sentyabr kuni Madriddagi "Santyago Bernabeu" stadionida bo‘lib o‘tadi.